Örugg borg

Home / / Örugg borg

Ofbeldi gegn konum, stúlkum og börnum í almenningsrýmum er hnattrænt vandamál. Rannsóknir á vegum Sameinuðu þjóðanna sýna að konur sem búa á þéttbýlissvæðum eru tvöfalt líklegri til að verða fyrir ofbeldi, sérstaklega í fátækustu löndum heims. Meira að segja í öruggustu borgum heims eins og Reykjavík verða konur fyrir ofbeldi af ýmsu tagi. Í öðrum borgum er slíkt ofbeldi daglegt brauð sem hamlar konum að lifa eðlilegu lífi eins og að ferðast til og frá vinnu, ganga í skóla eða eiga sér félagslíf. Aldur, samfélagsstaða og klæðaburður hefur engin áhrif á hvort konur eða stúlkur verði fyrir kynferðisofbeldi eða áreitni á opnum svæðum.

Öruggar borgir (e. Safe Cities Global Initiative) er alþjóðlegt verkefni UN Women. Borgaryfirvöld 22ja borga víðs vegar um heiminn hafa heitið því að gera borgina sína öruggari fyrir alla. Reykjavík er ein þessara borga. Markmið Öruggra borga er að skapa konum, unglingum og börnum öruggt líf í borgum án ótta við ofbeldi og er það unnið í samstarfi við borgaryfirvöld og frjáls félagasamtök á hverjum stað. Leitast er eftir að auka öryggi, koma í veg fyrir og/eða draga úr ofbeldi, virkja og efla kvennasamtök og talsmenn barna og móta þannig öruggt og traust umhverfi fyrir alla.

Af hverju vinnur UN Women að því að gera borgir öruggari?

  • Ein af hverjum þremur konum í heiminum hefur þurft að þola ofbeldi. Ein af hverjum fimm þurft að þola kynferðislegt ofbeldi.
  • 99,3 prósent kvenna og stúlkna á þéttbýlissvæðum í Egyptalandi hafa upplifað kynferðislega áreitni og um helmingur þeirra verður fyrir áreitni daglega.
  • 95 prósent kvenna í Nýju Delí á Indlandi finnst þær ekki öruggar á götum úti. 73 prósent þessara kvenna upplifa ekki einu sinni öryggi í sínu nánasta umhverfi.
  • Um 70 prósent íslenskra kvenna upplifa sig óöruggar í miðborg Reykjavíkur að næturlagi.

Dæmi um verkefni UN Women í Nýju Delí, Port Moresby, Kaíró,  Rio de Janeiro og Mexíkóborg.

Related Projects