Ungmennaráð UN Women á Íslandi UN Women

Stjórn ungmennaráðs UN Women á Íslandi 2026-2027

Ungmennaráð UN Women fræðir og eflir ungmenni í málefnum kvenna og jafnréttis um allan heim. Það gera þau meðal annars í gegnum vitundavakningar- og fjáröflunarviðburði sem þau standa fyrir jafnt og þétt yfir árið en þeirra helstu verkefni eru kynningar á starfsemi UN Women í grunn- og framhaldsskólum. Gengið er út frá þeirri stefnu að ungur fræði ungan og best sé að ungt fólk sjái um að koma málefnunum á framfæri hjá ungu fólki. Ungmennaráðið var stofnað í september 2012 og hefur haldið uppi öflugu ungmennastarfi síðan. Öll ungmenni á aldrinum 16-30 ára hafa kost á því að taka þátt í starfinu. Ný stjórn var kosin á aðalfundi ungmennaráðsins sem fram fór í Mannréttindahúsinu við Sigtún 42, þann 16. mars.

Fyrirspurnir um skólakynningar berist til youth@unwomen.is. Nánari upplýsingar um ungmennaráðið og viðburði má nálgast á Facebook, Instagram og TikTok.