Yfirlýsing vegna Klausturmálsins

Home / Fréttir / Yfirlýsing vegna Klausturmálsins

Yfirlýsing frá Landsnefnd UN Women á Íslandi

Landsnefnd UN Women á Íslandi fordæmir þá kvenfyrirlitningu og hatursorðræðu sem Gunnar Bragi Sveinsson og fimm aðrir alþingismenn viðhöfðu á Klausturbar 20. nóvember síðastliðinn. Þau ummæli sem vitnað hefur verið til eru algjörlega óásættanleg og staðfesta hve mikið verk er enn óunnið í baráttunni fyrir kynjajafnrétti á Íslandi.

Stella Samúelsdóttir, framkvæmdastýra UN Women á Íslandi, segir stjórn og starfsfólk UN Women á Íslandi harmi slegið og sérstaklega vonsvikið yfir því að fyrrverandi utanríkisráðherra, hafi með þessum hætti skaðað orðspor Barbershop verkfærakistunnar og HeForShe hreyfingu UN Women sem gengur ekki síst út á að uppræta niðrandi tal um konur. Framkvæmdastýra UN Women á Íslandi er nú við störf í Malaví við innleiðingu Barbershop verkfærakistunnar í fyrsta sinn í Afríku við frábærar undirtektir í helsta samstarfslandi íslenskra stjórnvalda í þróunarsamvinnu.

 

Related Posts