Kæru maraþon hlauparar
Eins og þið kannski vitið, þá treystir UN Women á Íslandi alfarið á framlög einstaklinga, en framlögin renna til Styrktarsjóðs Sameinuðu þjóðanna til afnáms ofbeldis gegn konum. Sjóðurinn hefur það megin markmið að uppræta ofbeldi gegn konum í fátækustu löndum heims.
Ár hvert berast yfir 1.500 beiðnir frá frjálsum félagasamtökum í fátækum löndum til sjóðsins. Félagasamtökin sækja um fjárhagslegan styrk til að uppræta kynbundið ofbeldi í sínu nærumhverfi. UN Women leggur mikla áherslu á að vinna með grasrót hvers samfélags og hefur trú á að á þannig náist raunverulegur árangur.
Því miður hefur Styrktarsjóðurinn aðeins ráð á að styrkja 25 af þessum 1500 umsóknum. Því er kraftur og dugnaður hlaupafólksins okkar algjörlega ómetanlegur. Með áheitum úr Reykjavíkurmaraþoninu getum við gert enn meira saman í nafni jafnréttis og réttlætis.
Við minnum hlauparana okkar á klæðast appelsínugulri flík í hlaupinu svo að klappstýruliðið okkar geti hvatt ykkur áfram með tilheyrandi látum.
Takk fyrir að leggja systrum ykkar lið og veita þeim byr undir báða vængi.