Landsnefnd UN Women á Íslandi leitar að kraftmiklum einstaklingi til að leiða hóp götukynna sem sinnir fjáröflunar- og kynningarstarfi fyrir samtökin á höfuðborgarsvæðinu í sumar.
Starfslýsing
- Yfirumsjón með störfum götukynna
- Sinna ýmsum verkefnum tengdum götukynningum á skrifstofu
- Kynna starfsemi UN Women með götukynningum og bjóða fólki að gerast styrktaraðilar
Hæfniskröfur
- Umsækjandi þarf að vera samviskusamur, áreiðanlegur og sjálfstæður í vinnubrögðum
- Umsækjandi þarf að vera opinn, kraftmikill og sannfærandi
- Reynsla af almennum skrifstofustörfum og vinnu með Excel er kostur
- Áhugi og þekking á jafnréttismálum og málstað UN Women er kostur
Umsóknir ásamt ferilskrá sendist á snaedis@unwomen.is merktar Hópstjóri. Umsóknarfrestur er til og með 19. apríl. Nánari upplýsingar veitir Snædís í síma 552-6200.
UN Women á Íslandi treystir á frjáls framlög í fjáröflun sinni og er því verkefni götukynna mikilvægur hlekkur í fjáröflun samtakanna. Framlög til UN Women renna í verkefni sem stuðla að jafnrétti og valdeflingu kvenna.
Related Posts
