Ert þú skapandi sérfræðingur í samfélagsmiðlum? Hefur þú óþrjótandi áhuga á markaðssetningu? Ertu hugmyndaríkur textasmiður? Langar þig til að taka þátt í að bæta stöðu kvenna og stúlkna víða um heim? UN Women á Íslandi leitar að öflugum liðsauka.
Starfslýsing 
- Hugmyndavinna fyrir herferðir og fjáröflun ásamt þróun á stafrænni markaðssetningu.
- Vefumsjón og tæknileg umsjón heimasíðu, kunnátta á WordPress bakenda er kostur.
- Umsjón með samfélagsmiðlum samtakanna; auglýsingar í gegnum Facebook Ads Manager, Google Adwords o.þ.h.
- Umsjón með söluvarningi og vefverslun samtakanna; tæknileg þróun og nýr varningur.
- Hefur umsjón með herferðum og viðburðum á samfélagsmiðlum og heimasíðu.
- Búa til kostnaðaráætlun fyrir birtingar í samstarfi við rekstrarstýru/framkvæmdastýru
- Samskipti og starf með grafískum hönnuðum og ábyrgð á að útlit á öllu efni landsnefndarinnar sé samræmt.
- Undirbúningur viðburða og herferða ásamt herferðar- og kynningarstýru.
Hæfniskröfur
- Háskólamenntun sem nýtist í starfi.
- Minnst 2ja ára starfsreynsla af stafrænni markaðssetningu og samfélagsmiðlum.
- Reynsla af vefumsjón.
- Hugmyndaauðgi.
- Reynsla úr fjölmiðlum og auglýsingagerð er kostur.
- Mjög góð íslensku- og enskukunnátta.
- Frumkvæði, ábyrgð og sjálfstæð vinnubrögð.
- Þjónustulund og lipurð í mannlegum samskiptum.
Um er að ræða fullt starf. Frekari upplýsingar veitir Stella Samúelsdóttir, framkvæmdastýra UN Women á Íslandi í síma 552-6200. Umsóknarfrestur er til og með 24. júní. Kynningarbréf ásamt ferilskrá sendist á unwomen@unwomen.is merktar „sérfræðingur í samfélagsmiðlum“.
UN Women er eina stofnun Sameinuðu þjóðanna sem vinnur eingöngu að jafnrétti og valdeflingu kvenna og stúlkna í fátækustu löndum heims. Íslenska landsnefndin styður starf UN Women á alþjóðavísu með fjáröflun, vitundarvakningu og réttindagæslu.
