FO bolurinn er rjómalitaður í oversized sniði úr mjúkri bómull. Framan á er ljósmynd eftir Önnu Maggý sem sýnir FO á táknmáli, túlkað af Aldísi A. Hamilton. Aftan á er frumsamið ljóð eftir GDRN um baráttuna gegn kynbundnu ofbeldi.
Konur og stúlkur í neyð eru sérstaklega berskjaldaðar fyrir kynbundnu ofbeldi. Sprengingarnar í Líbanon, 4. ágúst síðastliðinn, Covid-19 faraldurinn og djúpstæð efnahagskreppa veikja einnig stöðu kvenna og stúlkna þar í landi.
FO bolurinn kostar 7.900 kr. og er framleiddur í takmörkuðu upplagi. Með því að kaupa FO bolinn tekur þú þátt í að veita konum og stúlkum í Líbanon neyðaraðstoð, vernd, öryggi og kraft til framtíðar.
Vodafone er bakhjarl átaksins og gerir okkur kleift að senda allan ágóða sölunnar til UN Women í Líbanon.
Saman stýrum við straumnum.
