Konur á götunni í kjölfar eldgoss í Gvatemala

Home / Fréttir / Konur á götunni í kjölfar eldgoss í Gvatemala

Magdalena Sutamul

Þúsundir íbúa Gvatemala hafa misst heimili sín og yfir hundrað hafa látið lífið eftir að eldgos hófst í eldfjallinu Fuego skammt frá höfuðborg Gvatemala í byrjun júní. UN Women er á staðnum að mæta þörfum kvenna.

Þú getur hjálpað – með því að senda sms-ið KONUR í 1900 (1.900kr.)veitir þú konu sæmdarsett og öruggt skjól.

UN Women hefur komið upp neyðarskýli fyrir konur og börn þeirra í samstarfi við Gvatemalaborg. Þar skilgreinir starfsfólk UN Women þarfir kvenna og stúlkna og tryggir kvenmiðaða neyðaraðstoð á svæðinu líkt og kynjaskipta salernis- og sturtuaðstöðu, örugga svefnaðstöðu og afmörkuð svæði fyrir konur með börn sín þar sem þær fá þá einnig grunnheilbrigðisþjónustu. Allar konur fá sæmdarsett með helstu hreinlætisvörum og nauðsynjum sem gerir konum kleift að viðhalda reisn sinni í þessum erfiðu aðstæðum.

Magdalena Sutamul (33 ára) er ein þeirra þúsunda sem missti heimili sitt í eldgosinu. Hún heldur til í neyðarskýli UN Women þar sem hún starfar einnig sem sjálfboðaliði, styður konur og skipuleggur nú neyðaraðstoð UN Women. „Hér eru konur í áfalli og vita ekki í hvorn fótinn þær eiga að stíga. Nú er nauðsynlegt að búa til verkefni fyrir konur sem bæði dreifa huganum og veita þeim kraft til framtíðar. Við sem hér dveljum þurfum að fá tækifæri til að efla okkur í þessum erfiðu aðstæðum. Við settum því á laggirnar vinnusmiðjur í handavinnu; við saumum, prjónum og málum. Allar konur í neyðarskýlinu fara líka á skyndihjálparnámskeið.“

„Við misstum allar okkar eigur. Allt í einu erum við sárafátækar. Okkur bíður risavaxið verkefni. Nú er því mikilvægara en nokkru sinni að byggja okkur upp og fá tækifæri til að uppfæra verkfærakistuna okkar svo að við getum unnið okkur út úr fátæktinni. UN Women er að veita okkur þetta tækifæri, von og kraft,“ segir Magdalena.

UN Women heldur áfram næstu vikur og mánuði að veita neyðaraðstoð, er að þróa atvinnuúrræði fyrir konur á svæðinu og móta hagnýt námskeið sem efla konur til framtíðar og dreifa huganum í þessum skelfilegu aðstæðum. En til þess þarf fjármagn.

Þú getur hjálpað – sendu sms-ið KONUR í 1900 (1900 kr.)                                                                   Myndir: UN Women/Johanna Reyes Málaga

Related Posts